بودريقة كيحفز اللاعبين ديال الرجاء باش يربحو المحمدية بعدما هرب البدراوي وطفى التيليفون

يواصل الرئيس الأسبق للرجاء الرياضي محمد بودريقة والمرشح الأقوى والأبرز لترؤس النادي خلال المرحلة المقبلة، دعم الفريق الوقوف مع اللاعبين وهذا الشي بعد استقالة الهارب عزيز البدراوي.
محمد بودريقة تعشا البارح مع اللاعبين والطاقم التقني، وكان حريص باش يتحدث مع كل واحد فيهم باش يحسو أن الرجاء مازال فيها مسؤولين عندهم كلمة، وأن البدراوي اللي خدلهم ماشي من النادي وغير تسلط عليه.
وحفز محمد بودريقة الاعبين والطاقم التقني قبل ماتش الرجاء ضد شباب المحمدية في ربع نهائي كأس العرش وهز لهم المورال، باش يديرو ماتش كبير يتقاتلو على التوني ديال الفريق، هاد الجيست خلا اللعابة يخرجو من عندو مرتاحين وناشطين.
وكيبقى محمد بودريقة هو أبرز مرشح قادر ياخذ ثقة المنخرطين والجماهير الرجاوية واللاعبين، باش يترأس الفريق خلال المرحلة المقبلة ويخرج الرجاء من الأزمة اللي وضعها فيها عزيزي البدراوي المستقيل من الرئاسة.