منظمة "كلوري": انسحاب بدر هاري من الكومبا قرار إنساني وحنا معاه وأرباح سواري د باريس غنتبرعو بها كاملة للضحايا

تقبلت منظمة كلوري 88 ديال الكيكبوكسنك انسحاب البطل المغربي بدر هاري من الكومبا ديالو الكبير البارح السبت فباريس ضد النكليزي ماكسويني، بسبب الزلزال اللي ضرب الحوز، وأكدت أنها حتى هي غتساهم فالتبرع لمصلحة ضحايا الفاجعة.
منظمة "كلوري" تفاعلت فبلاغ لها، واعتبرت انسحاب بدر هاري من المونيا لأسباب إنسانية، مرتبطة بكارثة الزلزال فالحوز، وعبرت على احترامها للقرار ديالو، بعدما رفض أنه يدخل يلعب فالوقت اللي كاينين مغاربة كيموتو بسبب الفاجعة.
وخذات منظمة "كلوري" حتى هي مبادرة إنسانية وقررات تتبرع بجميع أرباح السواري ديال باريس البارح السبت، للجمعيات الخيرية فالمغرب لمساعدة المتضررين من زلزال الحوز.