ها جديد اللبؤات فمونديال العيالات بعد التأهل التاريخي لثمن النهائي لمواجهة دجاجات فرنسا

دخل المنتخب الوطني المغربي للسيدات فمرحلة التركيز على ماتش ربع نهائي كأس العالم للعيالات 2023، اللي غيلعب فيه الثلاثاء الجاي أمام منتخب فرنسا.
ودار المنتخب المغربي للسيدات حصة تدريبية جديدة اليوم الجمعة، ركز فيها الطاقم التقني ديال الناخب الوطني رينالد بيدروس مع اللاعبات الاحتياطيات بإجراء تداريب للحفاظ على اللياقة البدنية، وبالمقابل خلاو اللاعبات الأساسيات بالفندق يرتاحو من العيا ديال ماتش البارح أمام كولومبيا، وراه المعنويات مرتفعة وسط الكروب واللاعبات ناشطات وبصحة جيدة.
ومن المنتظر تبدا غدا السبت الاستعدادات الفعلية ديال المنتخب المغربي للسيدات للقمة أمام منتخب فرنسا، إجراء حصة تدربية بجميع اللاعبات، وحصة ثانية الأحد وثالثة وأخيرة الاثنين الجاي، غيختم بها التحضيرات للماتش ضد الدجاجات.