بيدروس: التأهل لثمن نهائي مونديال العيالات جا نتيجة 3 سنين د الخدمة وكنفتخر باللاعبات المغربيات

عبر الناخب الوطني رينالد بيدروس على الفرحة ديالو بالإنجاز اللي حقق مع المنتخب الوطني المغربي، والتأهل إلى ثمن نهائي كأس العالم العيالات 2023، بأستراليا ونيوزيلاندا، وشكر اللاعبات على القتالية ديالهم وكبر بهم واعتبرهم مصد هذا الإنجاز.
وتحدث رينالد بيدروس بعد فوز المنتخب المغربي على كولومبيا ضمن آخر جولة من دور مجموعات كاس العالم بواحد لزيرو والتأهل لربع النهائي وقال: "اللاعبات كن مركزات من أول الماتش أمام كولومبيا حتى سالات المباراة، وهذا الإنجاز راه جا بعد خدمة ديال 3 سنين، وكنشكر اللاعبات على القتالية ديالهم وراه ماشي ساهل تربح منتخب بحال كولومبيا".
وكمل المدرب ديال المنتخب الوطني المغربي وقال: "كنشكر اللاعبات من قلبي، وكنفتخر بهم جميعا وباغيين نكملو الطريق ديالنا فالمونديال، وراه عندنا كروب زوين وملتحم".