ها تشكيلة المنتخب المغربي ضد كولومبيا فالماتش المصيري فمونديال العيالات وفيها تغيير واحد

اختار الناخب الوطني رينالد بيدروس، لاعبات المنتخب المغربي النسوي اللي غيدخلو أساسيات فالماتش المصيري أمام كولومبيا، اليوم الخميس فتيران مدينة برث الأسترالية، ضمن الجولة الثالثة والأخيرة من دور مجموعات كأس العالم للعيالات "أستراليا ونيوزيلندا 2023".
وقرر الناخب الوطني رينالد بيدروس يدخل المنتخب المغربي النسوي أمام كولومبيا، بتشكيلة مكونة من حارسة المرمى خديجة الرميشي، زينب رضواني، نهيلة بنزينة، نسرين الشاد، ألودي النقاش، غزلان شباك، ابتسام الجرايدي، فاطمة تكناوت، أنيسة لحمري، حنان أيت الحاج، سكينة وزراوي.
وحافظ المدرب رينالد بيدروس على نفس التشكيلة اللي دخل بها خلال الماتش الماضي ضد كوريا الجنوبية، باستثناء تغيير واحد فالتشكيلة ديال ماتش اليوم ضد كولومبيا، حيث قرر يخلي سلمى أماني فالاحتياط ويدخل أنيسة لحمري اللي ما لعبتش الماضي الماضي.