صحيفة استرالية: المغرب صنع التاريخ: غوات وبكا وشطيح وسجود وضحك

قالت صحيفة" The west Australia" ان المغرب سلت منها فالشوط الثاني مع كولومبيا وبقا رابحها با1 اللي خلاه يوصل ال16 فأول نهائيات لكأس العالم للسيدات وخا كان خاسر قدام المانيا با 6.
وأضاف أن التعادل المفاجئ لكوريا الجنوبية 1-1 مع ألمانيا خلات المغرب يحتل المركز الثاني فالمجموعة الثامنة .
وقالت باللي المنتخب المغربي خلا كولومبيا مفقوصة حيث ربحها بواحد وخا باقا كتتصدر المجموعة وسيفط اقوى فريق نسوي فحالو اللي كان رابحو فالأول با 6 واللي كانت اكبر صدمة.
وأشادت الصحيفة بهدف أنيسة لحماري فالوقت المحتسب بدل الضائع من الشوط الأول كان كافي باش المغرب يربح وخا كانت كولومبيا مسيطرة.
وأشارت الجريدة لفرحة الجمهور المغربي اللي كان حاضر كيدعم المنتخب واحتفالو فجو من الغوات ولبكا والشطيح والضحك والسجود. يعني كانو مغربيات فاحتفالهم وصافي