خاص. ها علاش ما جاوش امهات واباء اللعابات فمونديال استراليا

علاش ما حضروش امهات واباء اللعابات المغربيات اللي مشاركات فمونديال استراليا وحققو البارح انجاز تاريخي بعد ما تأهلو لثمن النهاية؟ "كود" سولات فالجامعة واكدات باللي كانت الرغبة عندها وكانت مستعدة باش تجيب العائلات٬ غير هو كان بالاضافة الى خاص موافقة المدرب رينارد بيدروس٬ حقاش هادا منتخب ومشاركة عائلات اللعابة سواء فمونديال روسيا او مونديال قطر للرجال٬ راه كان بموافقة من المدرب الوطني سواء اريفي رونار او وليد الركراكي٬ ولكن هاشي هادي هي العقبة. حقاش المدرب كان ممكن يقبل.
وفق مصادر "كود" كان مشكلة الفيزا هي العائق. الامهات والاباء اللي عندهم باسبور اوروبي كان ساهل عليهم ياخدو فيزا غير بطلب فالانترنيت ولكن اللي فالمغرب كانت غادية تكون عندو مشاكل اكثر وممكن ما تعطاهش.
الجامعة تقول مصادر "كود"٬ باش ما تحطش فشي موقف يكونو فيه غير امهات واباء عدد من اللعابات٬ اختارت انها تجنب هاد الفيلم.
مصادر "كود" اكدات باللي اي واحد من افراد عائلات اللعابات وصل لاستراليا ومحتاج لتذاكر الماتشات فراه كلشي متوفر