مدرب المنتخب المغربي للعيالات بيدروس رينارد بحال اي مدرب فرنسي عندو هم كبير وخاصو ديما يهدر مع صحافة بلادو واخا هو مدرب وطني للمنتخب المغربي والجامعة الملكية المغربية لكرة القدم هي اللي مخلصاه. اليوم الاحد 30 يوليوز 2023 قبل الماتش الثاني للبؤات ضد كوريا الجنوبية في مونديال استراليا نيوزلندا عطى حوار ل"سو فوت" الفرنسية٬ فيه قدم معطيات ما بغاش حتى يرد عليها فالندوة الصحافية اللي دارها البارح باش طرحو عليه صحافيين مغاربة السؤال. فهاد الحوار قال بيدروس لصحابو الفرانسيس "الهدف اللول من هاد المشاركة هو ما يكون عندنا حتى اسف بعد هاد المونديال. نديرو اللي فجهدنا باش نتأهلو للثمن. ورجع بيدروس رينارد لماتش المغرب المانيا اللي سالى ب6 لزيرو فالملعب المستطيل بميلبورن يوم 23 يوليوز اللي فات "كنعرفو باللي خاصنا نضاعفو الجهود وعارفين باللي طاحت علينا ضربات كثيرة مسات حالتنا الذهنية. حقاش هادي كأس العالم. كاين المشاعر والعواطف وكاينة امور كثيرة دخلات وخاصنا ناخدوها بعين الاعتبار" يضيف المدرب واكد كوتش لعيالات فحوارو مع "سو فوت" باللي شي لعابات كانو عاطفيات ضد المانيا وزگلو الماتش. هاد الامور كتوقع حقاش حنا بنادم. دابا تجاوزنا ماتش المانيا خليناه ورانا
