واش المثلية مسموح بيها فالمغرب؟ سؤال صحافي البي بي سي لمدرب اللبؤات والعميدة الشباك اللي بقى بلا جواب. ها علاش طرحو الصحافي وها علاش ما دروش عليه

خلال الندوة الصحافية لمدرب المنتخب المغربي لكرة القدم النسائية صباح اليوم الاحد 23 يوليوز 2023 بالملعب المستطيل بميلبورن الاسترالية طرح الصحافي الرياضي في اذاعة "البي بي سي" دجازمي ماني سؤال على العلاقات المثلية فالمغرب واش مسموح بيها. السؤال رفضاتو اللي كانت مكلفة بادارة الندوة الصحافية. قالت باللي هادا سؤال سياسي ماشي رياضي.
المشرفة علي الندوة قالت ل"كود" من بعد ان الموضوع ماشي على الكورة وباللي مسؤولة بالفيفا كانت فالقاعة وعطاتها اشارة باش ما يجاوب على هاد السؤال لا المدرب رينالد بيدروس ولا العميدة غزلان الشباك.
"كود" سولات صحافي البي بي سي علاش طرح هاد السؤال. دجمازمي ماني رد باللي طرحو حقاش بغيت نعرف كيفاش كيعيشو المثليين.
الفيفا كتناقض غير مع راسها. كدير حملات للدفاع عن المثلية. فمونديال قطر بغات تعاقب اي منتخب يدير شارة قوس قزح. دابا اليوم فاستراليا كتقول باللي هاد السؤال ما مسموحش يتطرح