مدرب المنتخب المغربي للعيالات: تجاوزنا خسارة لالمان والماتش ضد كوريا باغيين نربحوه والهدف هو الثمن

قال مدرب المنتخب المغربي لكرة القدم رينارد بيدروس باللي ماتش غدا ضد كوريا الجنوبية داخلين باش نربحوه. المدرب اكد باللي الهدف هو التأهل لثمن نهاية مونديال استراليا ونيوزلندا للسيدات. المدرب قال باللي تجاوز تبعات الخسارة ضد المانيا ب6 لزيرو فاول ماتش فهاد المونديال
المدرب كان كيهدر فندوة صحافية 24 ساعة قبل الماتش الثاني للاناث فالمونديال الاسترالي اليوم السبت 29 يوليوز في ندوة صحافية بملعب هيندمارش باديلايدي الاسترالية.
واكد باللي كلشي رجع للخدمة وباللي هادي فرصة نرجعو فالمونديال.
بخصوص الخصم كوريا الجنوبية قال المدرب بيدروس باللي المنتخب غادي يحتافظ بنفس السيستام داللعب وممكن يكون تغييرات فالتشكيلة وباللي خدم على تجاوز الاخطاء
المدرب قال ان المنتخب كيكتاشف المونديال وكنتعلمو