عزيز الجزائري اللي غادي يشجع المغربيات لكود: لابس لحمر وغادي نبح بتشجيع اللبؤات غدا =فيديو

عزيز عاطي لمارشي سانطرال ديال مدينة اديلايدي الاسترالية دفء خاص. اللي داز قريب من قهوتو « le Souk » يلقى عزيز بكاسكيطتو ونظاظرو يتكلم معاه بلطف. يعطيك تمرة.
فقهوى »السوق » كاين لبرارد والطواجين جابهم هاد الجزائري من جيجل من مراكش. كاين البايلا ولعدس صوبا واللحم والكسكسو بانواعو.
عزيز واحد من اللي غادي يحضر غدا 30 فملعب هيندمارش ستايديوم لماتش المنتخب المغربي للاناث الثاني ضد كوريا الجنوبية فهاد المونديال الاسترالي.
عزيز كيف قال في حوار مع « كود » باللي غادي يلبس لحمر ويهز الراية مع الوحدة فالبلاصة اللي غاديين يتلاقاو فيها لمغاربة ف »فان زون » قبل ما يمشيو للتيران.
يلعب منتخب مغاربي فهاد الحدث راه انجاز كبير بالنسبة لعزيز. واخا خسرو ب6 ضد لالمان عندو امل لبنات يديرو ماتش مزيان.
هاد الجزائري مآمن باللي الشعوب: المغرب والجزائر٬ قدرهم واحد وباللي شي نهار الحدود تفتح والعلاقات تتقوى اكثر
فانتظار هاد النهار٬ عزيز حاضر الاحد فالتيران بالراية المغربية رفقة زوجتو المراكشية. هو بدا تقوية العلاقات من اكثر من هادي 20 عام
https://m.facebook.com/story.php?story_fbid=pfbid026mbPTvTf6D1YH21QC2VMmPVZ8FjpNA3qjedEp1ryUT9q1PE1yGoQwao74ZpVpdvul&id=100064325154145&sfnsn=mo&mibextid=RUbZ1f