واش إشبيلية غيخلي بونو والنصيري يمشيو فهذا الميركاتو؟ الثنائي المغربي ما داخلش مع الفريق فالمعسكر الإعدادي للموسم الجاي

قرر إشبيلة الإسباني ما يديش معه الثنائي المغربي ياسين بونو ويوسف النصيري للمعسكر التدريبي للفريق بألمانيا، استعدادا للموسم الجاي، وهذا الشي كيزيد يؤكد أن الفريق الإسباني ناوي يبيع العقدين ديال اللاعبين خلال هذا الميركاتو الصيفي.
وحط مدرب إشبيلة خوسيه لويس مينديليبار لائحة الفريق اللي غتدخل للمعسكر إبتداء من غدا الجمعة، وفيها 27 لاعب، من بينهم الدولي المغربي أسامة الإدريسي، أما المواطنين ديالو الكول ياسين بونو والمهاجم يوسف النصيري ما كينينش فلاليست.
للإشارة فتلقى إشبيلية الإسباني عرض من باريس سان جيرمان الفرنسي للتنازل على خدمات ياسين بونو بقيمة 15 مليون أورو حسب RMC، والفريق الإسباني رفض حيث باغي 20 مليون أورو، وكاين اهتمام من إنتر ميلان الإيطالي بيوسف النصيري.