واش العفورة هو المدير الحقيقي للمدرسة الامريكية فبلاصة راندولف اللي طل على الثمانين وواش طرد 7 تلاميذ انتقام من العامل اللي دوز 5 سنين فالحبس من والديهم؟

حصلات "كود" على معطيات مثيرة كتهم المدير العام للمدرسة الامريكية بكاليفورنيا فكازا دجون راندولف. هادي مثيرة لان هاد الثمانيني =بقات ليه 3 سنين ويوصل ل80 عام= عندو عقل مدبر مغربي دوز 5 سنين حبس نافذة بسباب فضيحة فساد كتهم مشروع الحسن الثاني بالحي المحمدي بكازا لايواء سكان كاريان سانترال. يتعلق الامر بالعامل لعفورة عبد العزيز اللي كان عامل الحي المحمدي عين السبع ايام ادريس البصري
وفق مصادر "كود" فالعفورة استغل المدرسة الاميركية وعلاقتو بهاد المدير ماشي غير باش يحركو كيف بغى٬ بل تقدر تكون علاقة بين طرد 7 تلامذة فهاد المدرسة ففترة ادارة راندولف هادي 5 سنين٬ وبين لعفورة. اي ان هاد الطرد يقدر يكون انتقام من لعفورة من هاد العائلات.
لعفورة يمكن يقدر يستغل سن هاد المدير
دجون راندولف كان جا باش يدوز غير 6 اشهر باش هرب ف2018 مدير هاد المدرسة الكندي. دابا دوز سنوات وواخا وصل لهاد السن مازال خدام. يمكن يدخل لموسوعة گينيس للارقام القياسية كالمدير الاكبر سنا لشي مؤسسة تعليمية.