الكاف اختار عصام الشرعي أحسن مدرب فكروبات كأس إفريقيا لأقل من 23 عام

كتواصل الأطر التقنية المغربية التألق ديالها، وهاد المرة جا الدور ديال الناخب الوطني عصام الشرعي مدرب المنتخب الوطني المغربي الأولمبي، اللي نجح فقيادة ليكيب ناسيونال إلى دومي فينال كاس إفريقيا لأقل من 23 عام.
واختار الاتحاد الإفريقي لكرة القدم، مدرب المنتخب الوطني المغربي الأولمبي عصام الشرعي، كأحسن مدرب فدور مجموعات كأس إفريقيا لأقل من 23 عام، بعدما تألق المنتخب المغربي معه إلى حدود الآن فالبطولة، وقدر يحقق العلامة الكاملة فمرحلة ليكروب وتصدر المجموعةA، برصيد 9 نقاط من 3 الانتصارات.
للإشارة فالمنتخب الوطني المغربي الHولمبي غيسالي اليوم لعشية الاستعدادات ديالو لماتش دومي فينال كأس إفريقيا، اللي غيلعبو غدا مع منتخب مالي فتيران مولاي عبد الله بالرباط ابتداء من 9 الليل.