المنتخب الاولمبي ربح الكونگو وطلع للدومي فينال بالعلامة الكاملة

تأهل المنتخب الوطني المغربي الأولمبي إلى دومي فينال كاس إفريقيا لأقل من 23 عام، بالعلامة الكاملة بعدما ربح الكونكو اليوم الجمعة فتيران مولاي عبد الله بالرباط ضمن أخر جولة من دور ليكروب.
وسالا الماتش بين المنتخب المغربي ومنتخب الكونكو بنتيجة واحد لزيرو لمصلحة ليكيب ناسيونال، والهدف ماركاه يونس طه فالدقيقة 7، مع العلم أن ناخب الوطني عصام الشرعي دخل الماتش بتشكيلة أغلبها من الاحتياطيين، وفضل يخلي اللاعبين الركائز يرتاحو، ويعطي فرص أكثر للاعبين اللي ما لعبوش بزاف فليماتش اللي دازو.
الرباح ديال المنتخب المغربي خلاه يرفع الرصيد ديالو إلى 9 النقاط ويحافظ على صدارة المجموعة A وهو المنتخب الوحيد اللي وصل لهذا العدد من النقاط بالبطولة، وكذلك يبقى بالعاصمة الرباط يلعب ماتش دومي فينال، وتأهل معه المنتخب الغاني اللي جا ثاني بنفس المجموعة برصيد 4 النقاط، أما الكونكو وغانا تقصاو، ودابا غيتسنى المنتخب المغربي المجموعة الثانية اللي غتلعب منها الجولة الثالثة غدا باش يعرف شكون المنتخب اللي غيلعب معه واش النيجر أو مصر أو مالي.