غانا خذات صدارة لكورب من المنتخب الأولمبي فكأس إفريقيا U23 والماتش الجاي بين الأشبال والغانيين غيكون شاعل

خذا منتخب غانا صدارة المجموعة A فكأس إفريقيا لأقل من 23 "موروكو 2023′′، من المنتخب الوطني المغربي الأولمبي بعدما تغلب على الكونكو اليوم الأحد فتيران الرباط برسم الجولة الأولى.
وسالا الماتش بين منتخب غانا والكونكو بنتجية 3 أهداف مقابل 2 لمصلحة الغانيين، وتسناو المنتخبين الشوط الثاني باش يماركيو البيوتا فالماتش، وكانت غانا رابحة 3 لزيرو وحتى اللحظات الأخيرة من المباراة عاد قدرو الكونكوليين يقلصو الفارق بجوج بيوتا.
الرباح ديال المنتخب الغاني عطاه صدارة لكروب A، برصيد 3 النقاط بفارق البيوتا عن المنتخب المغربي اللي رجع للمركز الثاني ولكن حتى المغاربة عندهم 3 بوان فانتظار الماتش مع الغانيين الثلاثاء الجاي اللي ممكن يحسم تأهل أحد المنتخبين إلى دومي فينال، أما الكونكو عندهم زيرو بوان بحالهم بحال غينيا اللي خسرت مع الأشبال البارح السبت فماتش الافتتاح.