مونديال 2022: البرازيل ربحات صربيا ونيمار مامركاش

ربح منتخب البرازيل بطل كأس العالم 5 المرات، منتخب صربيا اليوم الخميس، فتيران لوسيل بنتيجة 2 لزيرو، فالجولة الأولى من كأس العالم قطر 2022.
المنتخب البرازيلي اللي متصدر التصنيف العالمي ديال كرة القدم، ما قدرش يماركي الشوط الأول اللي سالا تعادل، حيث تكتيكيا صربيا كانوا مزيانين، وتسناو حتى الشوط الثاني باش يوصلو للشبكة وبالضبط فالدقيقة 62 بهدف ماركاه رشاريلسون ونفس اللاعاب رجع ماركا البيت الثاني للبرازيليين فالدقيقة 73، وكان نيمار اللي خرج فالدقيقة 80، وصحابو قراب يزيدو أهداف أخرى ولكن تألق لكول ديال صربيا ودافع على بطوه وبقات النتيجة كيفما هي حتى سالا الماتش.
وتصدر منتخب البرازيل بهاد الرباح لكروب 7 برصيد 3 بالتساوي مع سويسرا مع امتياز البويتا للبرازليين وغادي لعبو ضد بعضهم الماتش الجاي، وصربيا والكاميرون عندهم 0 بوان.