بودريقة أقوى مرشح لرئاسة الرجاء كيوجد باش يحط ملف الترشح فالساعات المقبلة

يتجه الرئيس الأسبق للرجاء الرياضي محمد بودريقة لتقديم ملف الترشح ديالو من أجل رئاسة النادي خلال المرحلة المقبلة، وذلك خلفا للرئيس الهارب عزيز البدراوي اللي قدم الاستقالة.
ومن المنتظر يحط محمد بودريقة ملف الترشح لرئاسة الرجاء الرياضي خلال الساعات المقبلة، وراه دابا كيوضع اللمسات الأخيرة على لائحة الترشح لتشكيل المكتب المديري الجديد للنادي الخاصة به، واللي مكونة من منخرطين بمجموعة من الاختصاصات من بينهم رجال أعمال قنعهم ولد درب السلطان بالمشروع ديالو فالرجاء واللي ناوي من خلالو يرجع الهبة للفريق.
ويبقى محمد بودريقة الرئيس الأسبق للرجاء الرياضي هو أقوى مرشح لترأس النادي مرة أخرى والأكثر اقناعا وسط برلمان الرجاء، مع العلم أن الرئيس الأسبق سعيد حسبان حط ملف الترشح ديالو قبل أيام ولكن أغلب المنخرطين نافرين منو أمام اللي مساندينو وانا قلال فكاينة شكوك عن المنخرطين فنواياهم وكشوفو أنهم من أصحاب المصالح الشخصية.
وحتى الترشح د حسبان فهو غير قانوني حسب مصادر من النادي حيث ما بقاتش عندو صفة المنخرط منذ مدة والقانون بالنادي واضح وخاصو يكون منخرط لمدة عامين على الأقل من أجل الترشح للرئاسة وبرلمان النادي رافض خرج القانون الداخلي كيفما وقع مع عزيز البدراوي وما باغيش تكرار هذه التجربة، إضافة إلى أن المرحلة السابقة ديالو كرئيس سالات قبل ما تكمل العهدة حيث جراو عليه الرجاويين وكانت الأزمة فيها أصعب من مرحلة البدراوي.