بودريقة: التهديد ديالي للبدراوي غير فوطوشوب والسلام

نفى محمد بودريقة الرئيس الأسبق للرجاء الرياضي أنه يكون هدد عزيز البدراوي الرئيس الحالي ديال النادي كي فما تم الترويج له منذ لحظات، على مواقع التواصل الاجتماعي وأكد بلي ما عندو حتى علاقة بهادشي.
الرجاوي محمد بودريقة اللي مازال منخرط فالرجاء الرياضي ولو أنه فضل يبعد شويا من النادي ويبقى متبعو غير من بعيد، خرج وكذب داكشي اللي راج على أنه هدد عزيز البدراوي رئيس الرجاء كيف ما تبارطاجا فواحد التدوينة راه دايرة مزيان فالفيسبوك مكتبو فيها بأنه قال: "البدراوي راك كتقلب عليا وانا إلى حدود الساعة راني ضابط النفس مراعاة لمصلحة النادي إنذار اخييييير و السلام".
السكرين ديال هاد الكلام دار ضجة، الشي اللي جعل بودريقة يخرج ويحط نفس السكرين على فايسبوك ديالو ولكن باش ينفي علاقتو بهادشي وكتب عليه عنوان قال فيه "فوطوشوب والسلام" وهاكذا كذب هادشي وأكد انها مجرد إشاعة وما عندو علاقة بها.