البارصا باغيين أمرابط.. تشافي عاجبو لعب المحارب المغربي وغيتقاتل باش يسني معه

حط فريق البارصا الإسباني الدولي المغربي سفيان أمرابط، ضمن الأهداف ديالو خلال الميركاتو الصيفي الجاي، وباغي يسني معه بعدما فشل خلال الانتقالات الشتوية الماضية.
جريدة "موندو ديبورتيفو" الإسبانية المقربة بزاف من البارصا، خصصت غلاف عددها الجديدة اليوم للنجم المغربي سفيان أمرابط لاعب فيورنتينا الإيطالي، وحطات الصورة ديالو كبيرة وقالت أن المحارب المغربي هو المرشح الافضل لتعزيز وسط تيران البارصا.
وكملت الجريدة الإسبانية وقالت بأن سفيان أمرابط كيجمع الأسلوب ديالو ما بين القوة البدينة والمهارة الفنية، وأن تشافي مدرب البارصا عاجباه طريقة لعب النجم المغربي وغيتقاتل باش يسني معه ويلتحق بالفريق مع العلم ان عقد أمرابط مازال فيه عام واحد مع فيورنتينا.