فيورنتينا الإيطالي رفض عرض البارصا لسفيان أمرابط والفريق الإسباني مازال كيحاول

كيحاول البارصا الإسباني يحسم صفقة انتقال النجم المغربي سفيان أمرابط لاعب فيورنتينا فهاد الساعات الجايا، قبل ما يتغلق الميركاتو الشتوي اليوم الثلاثاء بالليل.
وكشف الإعلامي الإيطالي فابريسور رومانو المتخصص فالانتقالات وصفات اللاعبين، أن البارصا قدمو عرض لفيورنتينا باش يسنيو مع سفيان أمرابط إعارة لمدة 6 أشهر مقابل 3 أو 4 مليون أورو، مع أحقية شراء العقد فنهاية الموسم الجاري مقابل 40 مليون أورو.
نفس المصدر قال أن المسؤولين ديال فيورنتينا الإيطالي رفضو العرض ديال البارصا، وما باغينش يتنازلو على خدمات النجم المغربي سفيان أمرابط في انتظار الساعات المقبل اللي تقدر تجيب الجديد فهاد الصفقة ومعرفة واش غتكمل أو لا.