*باراكا من الحكرة*

باراكا من الحكرة راه الشباب اعيى من الهدرة
سنين وأعوام تترى والأمل تكسر على الصخرة
شباب يقرى ويتكون غير باش تقتلو الحسرة
دبلومات مهمولة وعلى لرفوف دارت القشرة
يخدمو لبنات بثمن زهيد مايطلبو زيادة فالاجرة
لاترسيم بقى كلشي متعاقد معرض للعسرة
تهرسات جماجم وظهور قدام مجلس الحضرة
ولى الإنتقام والترسيب والتهمة تجيك كذبة حمرة
ما ينصفك سياسي ولانقابي سوى مول القدرة
شوف الريف عايش لخريف مكوي بحر الجمرة
والشرق ريشوه ترييش كيف الدجاجة الحمرة
شكون يقول احذية وزعات فزمان الويلو القهرة
كلها يلغي بلغاه ماتعرف فين غادية سفينة الحكرة
باركا من الحكرة راه ربي جايب الحق والنصرة
واللي سلاحو مولاه مايخاف غير يلا اعثر عثرة
واللي الشيطان الهاه غادي يندم وماتنفعو حسرة.