شباط خرج ليها "كود": المخزن باغي البام يحتل المرتبة الاولى فالانتخابات التشريعية المقبلة وهاد الحزب اللي كيعين مسؤولين فالداخلية وفالمؤسسات العمومية راه قوى من رئاسة الحكومة

حميد شباط يا حميد شباط ديما جايب الجديد وما غاديش يخليكم تشعرو بالملل فهاد الانتخابات. الضربة الموجعة التي تلقاها حزب الاستقلال بخصوص حكم فشي شكل على رئيس جهة الداخلة وادي الذهب الاستقلالي الخطاط ينجى كلفتو غادية تكون غالية. واخا مازال غير ابتدائي واللي قضى بعزلو ولكن شعل الحرب بين البام والاستقلال.
هاد الشي اللي كيفسر القنابل العنقودية اللي كيطلق فيها شباط هاد الايام اخرها حواره مع "المساء". شباط خرج ليها كود وقال ان البام ماشي غير حزب عادي بل اقوى من مؤسسة رئاسة الحكومة. شباط لتقديم امثلة على ذلك قال ان هذا الحزب هو اللي كيعين المسؤولين في وزارة الداخلية وفالمؤسسات العمومية.
شباط فرش كلشي وكال باللي المخزن باغي البام يجي الاول. وقبل ايام قال ان من تحرك لابعاد الخطاط هو اللي دار اكديم ايزيك
باراكا عليكم قراو المساء والحوار