ترويدة ل هالصغير

قارصة قرصتني
عالجليل ودتني
في الواد دبتني
ورجعت لحالها
تقول آخ يا بطني

حية أجتني
كسرت جراري
فاتت في حوشي
أخذتلي داري
طلعتني بوشه

رحنا رام الله
زرنا حرز الله
نمنا بحفظ الله
انسرقت مصارينا
محدش سأل فينا
بعوض الله

أبوي في السلطة
معط ميت معطة
كبشة حمساوية
لفوهم بحطة
يهنيك يا ديتون
نجحت الخطة

كرمنا بعلار
خشوه الصغار
طردهم مستوطن
رموه بحجار
طخهم بالنار

نايم قام قايم
في أم الفحم قايم
شاف حريدي
قلّه شو جابك
قلّه الحق حالك
اليوم لطايم
وبكره سخايم

يا شعب الجليل
بعد الليل طويل
اصبر كمان شوي
يصبح عدوك عليل