* رياض العشاق *

رياض البهجة عُشاق نخوة تزيد لشواق بالزليج لَون و زواق مات الحوت فيه
ش تديه
والطوس يطير و يتيه
شهارج فايضة ميمان
خصات تسقي العطشان
والنافورة ترُش الولهان
بغيت نحافظ عليه
تعجبني الكلسة و نسقيه
بذاتي و عقلي نحضيه
الشجرة و الغصن يظلل
الحبيب يزور و يطلل
و على الملاقية أنا معول
كيف نبقى بلا بيه
و حقي والله مانخليه
نغرس الغرس و نرويه
ربيع اخضر و أزهار
طيور تغرد كيف الكنار
و العشق يترفع شعار
العاشق الهوى يبليه
و المحبوبة تداويه
وبين لغصان تفاجيه
طابع غرناطي غزال
القبة بالقرمود فالعلال
و لقواس شهوة لشكال
ألوان زاهية تغنيه
رخام و نقش يواتيه
نصونوه تحفة ونقيه
للماشي والماجي وليج
بالمسارية ديما فريج
تغرب الشمس والقمر يهيج