قصيدة شعرية عامية بعنوان : رسالة مصرية !

مصر حتفضل رغم أنوفهم ..
أم الدنيا وشوكة ف جوفهم !
واللى يعادى ترابها خسيس ..
واخد شورته من إبليس ..
لكن معدن مصر نفيس ..
قادر يقهر كل سيوفهم !!
مصر حتفضل رغم أنوفهم
=-=-=-=-=-=-=-=-=-=
مصر حتفضل دايما حرة ..
وإن شافت تهديد من برة ..
يتحول أولادها جبابرة ..
ولا يقدر حد يخوفهم !
مصر حتفضل رغم أنوفهم
=-=-=-=-=-=-=-=-=-=
مصر حتفضل شعب وجيش ..
إيدهم واحدة ضد الطيش ..
من بعض هواة التهويش ..
مهما حيتولع مولوتوفهم !
مصر حتفضل رغم أنوفهم
=-=-=-=-=-=-=-=-=-=
بقلم : محمد حلمى مصطفى
الأسكندرية - جمهورية مصر العربية