والحملة ابدات..

Very good
الحملة بدات
Very good
وانا بالذات
تفكيري محدود
لكن يا ناس
ما كاين باس
رانا كود
وخى معكود
وحرفتي
الهضرة والوعود
**********
الحملة بدات
نهار السبت
إيوا شوفوني
قبل ما نسلت
ويلا مشات حتى شدات
ما تشوفوني
ت ليوم البعث
**********
أنا اليوم شعبي
ف راس الدرب
وحق ربي
عليكم ما نكذب
سمعوني يا اولاد
ما تهمني بلاد
وحق مولانا
همي غ ف الكرسي
والحصانةوالتقاعود
**********
الحملة بدات
Very good
**********
الحملة بدات
وسط الحومة
بالنكافات
فهموني انتما
وانا بالذات
لغتي مفهومة
إيلا طلعت البرلمان
وربيت الريش
انتما لي مسؤولين
ما تلومونيش
ياك عرفتوني
مبلي بالتجارة
والتزكية
شريتها بالشكارة
علاش تسبوني
انتما لي طلعتوني
ياك عرفتوني
رانا عايش ف الريع
نشري فيكم ونبيع
إيلا وضعت القانون
نوضعو باش نخرقو
بالحصانة لحبيبة
لي عجبني نسرقو
ما نخلص لا ضريبة
وندي لهذا رزقو
ونصفق للحكومة
ونخليكم ف الحومة
تردوا ف الشعار
اتتكولو عليا كود
مبارك ومسعود
والحملة بدات
Very good
**********
هذه المساهمة بمناسبة انطلاق الحملة الانتخابية لمجلس النواب
من الشاعر الزجال ميراني الناجي