زجل : شدارت فينا كورونا

حتى حاجة ما بقات مضمونة
لا سلام لاأمان لاصحة مأمونا
راه ملي جا فيروس كوفيد
ما بقات لا قرايا لا مسجد
ولينا نسمعو غا زيد و زيد
حتى رمضان طافوه ن للعيد
والزناقي عمروها اصحاب التجنيد
وباش نوضعوا حد لهاد كورونا
خاص التوعية مني ومنك وحتى انتيا
نتحملو جميع المسؤوليىة
مواطن وحكومة وجمعيات مدنية
وإلى بغينا نقضيو على كورونا
خاصنا حاجة ساهلة ومضمونا
يقدر يديرها كبير وصغير
مانسلموا مانصافحوا بيدينا
ومسافة الأمان تكون بينا
وبلا ما ننساو الكمامة الواقية
فالعمل و الشارع والدار حتى هي
إلى بغينا ننجاو من كورونا
راه تكفينا غير صابونة
والنظافة وصانا بها نبينا
بلا ماتخرج وتدرج بلا اهتمام
وتقول اللي مقدر على الراس تشوفو عينينا
لا تكونو ب الجايحة جاهلين
ورقة الخروج صحبها معاك كل حين
راه بنادم شبع اتمرميد
ها الما ها الضو وزيد وزيد
وباش نتهناو من الجايحة
نتاحدو ونصيحو صيحة