الفريش ، والفريش المضاد ….

بدات واحد الحرب حاليا بين أعضاء المجلس البلدي بالقصر الكبير لن تضع أوزارها باذن الله إلا بعد نتائج الانتخابات القادمة عنوانها الأساسي "الفريش والفريش المضاد"
تسعة من أعضاء الاغلبية المسيرة للجماعة الترابية دارو مراسلة لعامل الاقليم باش يفتح تحقيق حول مخالفة عضو لمقتضيات المادة 65 من القانون التنظيمي المتعلق بالجماعات حيث أبرم عقدي كراء لصالح زوجته بالسوق المركزي البلاصة سنة 2016 و 2017
المراسلة كتقول علمنا كأنهم عاد ساقو الخبار البارح ودارو المراسلة اليوم، في حين أن العلاقة لي كانت دايرا بينتهم هي علاقة رابح رابح ستر عليا ونسترك عليك، والان ملي اختلفت المصالح بدات عملية الفريش، وهذا ما أكده العضو في تصريحه لجريدة الاحداث انفو قال ليهم ياء على بارطي وهو كلشي مستافد وهذا أمر جاري به العمل فالقصر الكبير.
طبعا ماكينش تبرير قانوني للمخالفة، الحُجة الوحيدة لي كاين هو كلشي كينتف حتى انا كنتف معاهم.
خلاصة القول خص عمالة الاقليم تفتح تحقيق في كل التلاعبات لي واقعة فالاملاك البلدية بدا من سوق للارقية الى سوق الحنة مرورا بالسوق المركزي ماشي غير فهاد الولاية وانما حتى الولايات السابقة لي كانت تحت تسيير حزب العدالة والتنمية.