التوجيه ما بعد الباكلوريا

الطالب الذي حصل على أعلى معدل في البكالوريا بإسبانيا هذه السنة لن يذهب إلى كلية الطب أو كلية الهندسة أو معهد الطيران أو أي كلية أو معهد التخرج منهما يساعد سريعا على إيجاد فرص الشغل .
لقد إختار كارلوس الإنتساب لمدرسة الفن الدرامي بمدريد لأنه يعشق التصوير ولأنه يرغب في أن يكون نجما في تأليف الموسيقى المسرحية .
في المغرب بزاف ديال الثلاميذ ملي كينجحوا في الباك العائلة كتضعط عليهم باش يختاروا توجه بعينه خاصة إذا كانو ا جايبين نقط مرتفعة ،لهذا كنلقاو هاد الثلاميذ هوما نيت ملي كيكملو المسار الدراسي ديالهوم ويشدو شي منصب وخا كيتخلصو مزيان كتلقاهوم كيقولوا الله يعفو علينا من هاد الخدمة ليخدامين ، والله ينعلها خدمة
في المغرب ماعمرنا أو مستحيل نلقاو ثلميذ نجح في البكالوريا علوم رياضية جاب 16 مثلا غادي يمشي لمعهد الفنون الجميلة، أو ثلميذ في العلوم الإنسانية غادي يمشي لمدرسة تعليم الطبخ ، لا العائلة ولا المحيط ليداير به غادي يشجعوه ويقولو ليه كنحترموا قراررك ،كلشي غادي يقولو غادي تندم راك كضيع راسك.
عفاكم خليو ولادكم يختاروا المسار ليبغاو في الدراسة ديالهوم وشجعهوم عليه ، ماتقتلوش سعادتهم بأنانيتكم وفقط باش تتباهو بهم قدام العائلة والمجتمع ولدنا كيقرا الطب بنتنا دايرة الطيران كفى خسنا نساليو مع هاد المرض.