واش حيث صاحبو؟. المدرب الجديد لإشبيلية گلس ياسين بونو ودخل الكول الاحتياطي

في واحدة من المفاجأت بفريق إشبيلية الاسباني قرر المدرب الجديد للأخير خوسي مينديليبار، يبرك الحارس المغربي ياسين بونو في ماتش قادش فالبطولة الإسبانية ويلعب الحارس الاحتياطي.
التشكيلة ديال إشبيلة ضد قادش تصدمو فيها جماهير الفريق حيث المدرب الجديد برك ياسين بونو في الاحتياط وهو اللي كيتعتبر واحد من بين 3 أحسن كوال بالعالم، ودخل بصلاتو الحارس الاحتياطي الصربي ديميتروفيتش، مع العلم أن الدولي المغربي الأخير يوسف النصيري لاعب رسمي في التشكيلة.
للإشارة فالمدرب الجديد لإشبيلية خوسي مينديليبار سبق له ودرب الحارس الاحتياطي لياسين بونو، الصرب ديميتروفيتش ملي كان خدام مدرب لفريق إيبار، ومن المرجح يكون هذا هو السبب اللي خلاه يفضلو على بونو في أول ماتش غيدرب فيه إشبيلية في قرار غريب وغير مفهوم.