فريق بونو والنصيري بدل المدرب وجاب واحد جديد باش يعتق إشبيلية

بدل إشبيلية الإسباني فريق الدوليان المغربيان ياسين بونو ويوسف النصيري المدرب ديالو اليوم الاثنين وعين فبلاصتو واحد جديد.
وأعلن إشبيلية قبل لحظات أنه عين الإسباني خوسي لويس مينديليبار مدرب جديد للفريق حتى نهاية الموسم، فبلاصت الأرجنتين خورخي صامباولي اللي كانت الإقالة ديالو بسبب سوء النتائج، وغايكون دور المدرب الجديد هو يصوفي الفريق من النزول.
إشبيلية الإسباني خسر الأحد الماضي مع خيطافي فبطولة إسبانيا، والفريق كيحتل المركز 14 ومهدد بالنزول إلى الدوري الإسباني الثاني، وبالرغم من هادشي فياسين بونو يوسف النصيري كيتعتابرو من نقاط الضوء القليلة اللي عندو هذا الموسم.
للإشارة فكل من ياسين بونو ويوسف النصيري جاو لمعسكر المنتخب الوطني المغربي البارح الاثنين، وبداو كيوجدو مع الناخب الوطني وليد الركراكي لمواجهة البرازيل والبيرو وديا يوم 25 و28 مارس الحالي.