الأسود بداو كيوصلو للمغرب باش يوجدو لماتش البرازيل والبيرو

بداو اللاعبين ديال المنتخب الوطني المغربي كيوصلو، اليوم الاثنين، للمغرب استعدادا للدخول لمركز محمد السادس، تحضيرا للماتش أميكال ضد البرازيل السبت الجاي، ومن بعد مواجهة البيرو.
الدوليين المغاربة بداو كيوصلو للمغرب باش يدخلوا لمركز محمد السادس، ومن بين اللي جاو جواد ياميق، نايف أكرد، حكيم زياش، ونصير ومزراوي والباقين جايين فالطريق.
وغايخوض المنتخب الوطني المغربي غدا الثلاثاء حصة تدريبية مفتوحة لوسائل الإعلام، وغايبدا يوجد لماتش البرازيل يوم 25 مارس بطنجة ومن بعد منو ماتش البيرو يوم 28 مارس بمدريد عاصمة إسبانيا.