شكوك فحضور أكرد ضد البرتغال ؟ .. ها شنو قال الركراكي

مازال ما حسمش الناخب الوطني وليد الركراكي فشكون غادي يلعب مع الكابيتان ديال المنتخب الوطني المغربي غانم سايس فالدفاع فماتش ربع نهائي كأس العالم قطر 2022، ضد منتخب البرتغال، واش غادي يكون نايف أكرد حاضر أو لا.
وكشف الناخب الوطني وليد الركراكي فالندوة الصحافية اللي كتسبق ماتش المغرب والبرتغال بخصوص جاهزية نايف أكرد اللي خرج موعت من الماتش اللي فات ضد إسبانيا وقال: "غادي نتسناو حتى لغدا نهار الماتش باش نعرفو واش أكرد غادي يلعب أو لا".
وأكد وليد الركراكي بلي اللعابا ديال المنتخب الوطني المغربي كيكملو بعضياتهم، رغم الإصابات وقال: "غادي نلقاو الحل فحالة ما كانش أكرد، وراه ليكيب ناسيونال فيها 26 لعاب، وكاين جواد ياميق وبدر بانون وأشرف داري".