ديربي الشمال زاد حرج العصبة الإحترافية ومديرية التحكيم اللي مازال ما سدوا قضية الرجاء واسفي

شعلت ما بين اتحاد طنجة والمغرب التطواني بسبب ديربي الشمال اللي تلعب ما بين الفريقين فالبطولة الاحترافية قبل أيام، وعرف انتصار الطنجاويين بنتجية 2 لواحد فالدورة 17 ولكن التطوانيين قرروا يعترضوا على النتيجة.
فريق المغرب التطواني برج باش يعترض على قانونية خوض لاعب اتحاد طنجة سفيان المودن وكيدعي أن اللاعب المذكور كانت عندو 4 الإنذارات قبل ما يلعب ديربي الشمال ما بين الفريقين.
المغرب التطواني كيبني الادعاء ديالو على اساس أن سفيان المودن اللي انتقل إلى إتحاد طنجة فالميركاتو الماضي، كانوا عندو 3 البطاقة مع نهضة بركان خداهم فليماتش ديال بركانة ضد حسنة أكادير وضد ليفار وضد السوالم، وملي جا لطنجة خدا إنذار ضد السوالم.
أما إتحاد طنجة فينفي أن يكون لاعبه سفيان المودن تحصل على 4 إنذارات قبل مباراة المغرب التطواني، وكيأكد أن اللاعب عندو 3 إنذارات فقط، خداهم فماتش نهضة بركان ضد حسنية اكادير، الماتش بركان ضد ليفار، وملي التحق بطنحة تحصل على إنذار ضد السوالم.
هذه القضية الجديدة فمنافسات البطولة الإحترافية، غاتزيد توضع من جديد العصبة الوطنية لكرة القدم الإحترافية والمديرية المركزية فالتحكيم فإحراج جديد، حيث باقي ملف بنفس الشكل ما تسدش وكيتعلق لماتش الرجاء الرياضي اللي معتارضين على لاعب أولمبيك آسفي سليمان المراني ماتسدش وكل من الرجاء واسفي مستانفين الحكم وكيطالبو الجامعة بكشف الحقائق كاملة فالقضية.