الناصيري قد فمو قد دراعو.. رئيس الحمرا طبق التصريح اللي قال ل"كود" واتفق مع مؤيد اللافي على التجديد

قرر سعيد الناصيري رئيس الوداد الرياضي يحافظ على لاعب الفريق مؤيد اللافي مع الحمرا، وغيجدد معه باش يبقى مع بطل إفريقيا والمغرب.
وكيفما كان قال سعيد الناصيري فتصريح سابق لموقع "كود"، فرئيس الحمرا أوفى بوعده ووصل إلى اتفاق مع الدولي الليبي مؤيد اللافي والوكيل ديالو، من أجل تجديد العقد اللي ما بين اللاعب والفريق.
وكان سعيد الناصيري دخل بخيط بيض ما بين مؤيد اللافي والمدرب ديال الوداد الرياضي المهدي النفتي، باش اللاعب يرجع يلعب مع الفريق من بعدما كان بعدو على الأسماء اللي كيعتمد عليها.