عطية الله: مشاركة الوداد فالموندياليتو فرصة لتأكيد إنجاز المغرب فمونديال قطر وقوتنا فجمهورنا

أكد يحيى عطية الله لاعب الوداد الرياضي أن الفريق الأحمر باغي يمشي بعيد فكأس العالم للأندية وماشي يكتفي غير بالمشاركة وأن تنظيم البطولة بالمغرب كيعطيه حافز كبير هو وصحابو فالوداد.
وفحوار له مع الموقع الرسمي للاتحاد الدولي لكرة القدم "الفيفا" قال يحيى عطية الله: "غنلعبو كأس العالم للأندية ما بين الجمهور ديالنا ومعنوياتنا مرتفعة باش نحققو نتائج مرضية للشعب المغربي والعرب والأفارقة، وراه حنا مركزين باش نقدمو أحسن نسخة للموندياليتو وعلى الكرة المغربية وناكدو الانجاز ديال المنتخب المغرب فمونديال قطر".
يحيى عطية الله ركز على عامل الجمهور وأكد أنه غيكون عندو دور كبير باش يحقق فريق الوداد الرياضي نتائج مزيانة فكأس العالم للأندية حيث البطولة مقامة بالمغرب.