عطية الله: كنوجدو لإسبانيا وباغين ندخلو للتاريخ وها ميساجي للمغاربة والناس اللي شجعونا

أكد يحيى عطية الله لعاب المنتخب الوطني المغربي أن هو وصحابو فليكيب ناسيونال غادي يديرو جهدهم كامل باش يتأهل لربع نهائي كأس العالم قطر 2022، ويفرحو المغاربة.
وقال يحيى عطية الله فتصريح الموقع الرسمي ديال الجامعة الملكية المغربية لكرة القدم: "التأهل ديالنا لثمن النهائي مستحق وجينا المونديال باش نكتبو التاريخ، خدمنا مزيان ومازال كنخدمو ومبروك علينا التأهل".
وكمل عطية الله وقال على ربع النهائي ضد إسبانيا: "الماتش الجاي فثمن النهائي ضد إسبانيا غادي يكون صعيب مع خصم قوي وغادي نوجدو له مزيان باش نتأهلو لربع نهائي كأس العالم".
ورسل يحيى عطية الله ميساج الجمهور المغربي وجميع المشجعين اللي ساندوا المغرب وقالهم: "الجماهير المغربية شغوفة بكرة القدم وديما كتساندنا، وكيجيو للتيران بكثافة، وكنشكرهم وكنشر الجماهير اللي من ورا الشاشات حيث ما قدراتش تجي هنا وكنشكر حتى العرب والأفارقة اللي شجعونا وغادي نزيدو نحدمو كثر باش نتأهلو للدور الجاي".