لامكيل زي اللاعب الجديد ديال الوداد ما عندو مشكل مع إدارة النادي وها علاش غاب ضد آسفي

ما كاينة حتى مشكل ما بين نادي الوداد الرياضي واللاعب الجديد الكاميروني ديال الفريق لامكيل زي، اللي جابو بطل المغرب وإفريقيا خلال الانتدابات الحالية.
وحسب مصدر مطلع فإن اللاعب اندمج داخل لكروب ديال الوداد الرياضي، وما عندو حتى مشكل مع إدارة النادي، وعكس الإشاعات اللي كتداعي أنه رفض يلعب البارح ضد أولمبيك آسفي، فاللاعب المذكور عند مشكل إداري حيث مازال ما توصلش بالبطاقة ديالو الدولية من بلجيكا فين كان كيلعب.
المصدر نفسو، أكد أن اللاعب الكاميروني واجد باش يلعب ويدافع على توني الوداد الرياضي، وبمجرد ما توصل البطاقة الدولية ديالو غيلعب مع الحمرا.