تقارير بلجيكية.. الوداد غيجيب مهاجم كاميروني

كيسعى الوداد لتعزيز الصفوف ديالو خلال فالميركاتو الشتوي الحالي استعدادا للاستحقاقات المقبلة وفمقدمتها كأس العالم للأندية، وكشفت تقارير بلجيكية أن الوداد الرياضي حاط العين على مهاجم كاميرون كيلعب فالدوري البلجيكي.
وحسب موقع "nieuwsblad" البلجيكي فالوداد الرياضي قرب يحسم صفقة الكاميرون ديديي لامكيل زي، لاعب كوتريك البلجيكي، اللي عندو 26 عام، وعلى الأقل غيجي إعارة مع خيار الشراء فحال صفقة اللاعب السابق الوداد كي مبينزا.
ومن المنتظر يعزز الوداد الرياضي الصفوف ديالو بأسماء قادرة على منح الإضافة للفريق، خصوصا على مستوى الهجوم والدفاع، من بعد الإصابة ديال صامبو جونيو اللي غادي يغيب على كأس العالم للأندية، وأيضا زهير المترجي اللي حتى هو من المنتظر يغيب لمدة بسبب الإصابة فانتظار يدير فحوصات طبية جديدة اليوم غتحسم فمدة غيابو عن الفريق الأحمر.