الوداد تعادلت مع التواركة فدونور

تعادل الوداد الرياضي مع إتحاد التواركة مفاجأة هاذ الموسم، اليوم الأحد فتيران المركب الرياضي محمد الخامس بالدار البيضاء، ضمن الجولة 8 والاخيرة قبل توقف البطولة الإحترافية لكرة القدم بسبب مشاركة المنتخب الوطني المغربي فكأس العالم.
وسالا الماتش ما بين الوداد والتواركة زيرو لزيو، ووخا حاولو اللعابا ديال الواك يوصلو للشبكة ديال التواركة ولكن ما قدروش بسبب التسرع وقلة التركيز وزكلو بزاف ديال الفرص اللي كان بإمكانهم يساليوها فمرمى الرباطيين اللي رجعو للخلف وحاولو يعتمدو على "الكونتر أتاك" لكن أغلبها كان كيتهرس فوسط التيران، وكانت الحمرا غادي تربح بهدف قاتل ولكن السنغالي صامبو جونيو ضيع ضربة جزاء.
إتحاد التواركة على نقطة لكل فرقة منهم، ورفع الوداد اللي كايتصدر البطولة الرصيد ديالو إلى 18 نقطة، أمام التواركة فكيحتلو المركز 3 برصيد 14.