المكتب السياسي للبام صدم وهبي ورفض ليه باش يجيب برلمانيين جرا عليهم "البي جي دي"

علمت "كود" من مصدر مطلع أن المكتب السياسي لحزب الأصالة والمعاصرة، رفض مقترح ضم مستشارين برلمانيين كان طردهم حزب العدالة والتنمية من الصفوف ديالو، إلى الحزب.
هاد جوج برلمانيين كيتعلق الأمر بكل من مصطفى الدحماني ومحمد بلفقيه، كاينين فمجلس المستشارين ومعندهمش انتماء، هادشي خلا وهبي يقترح على المكتب السياسي ديال البام يجيبهم للحزب ديالو، ولكن القيادات رفضو وقالو ليه بزاف على هاد التقارب ديالك مع البي جي دي.
وهبي لقا راسو لبارح فالمكتب السياسي، كلام غير مسموع، وبدل الموضوع وقاليهم نأجلو فيه النقاش.