فيورنتينا متشبث بسفيان أمرابط وخا مضاربين عليه ليفربول وأتليتيكو مدريد

كيتشبث فيورنتينا الإيطالي بخدمات اللاعب المغربي سفيان أمرابط وباغيه يبقى معه، بالرغم من الطلب الكبير اللي عليه فالميركاتو الشتوي الحالي والصراع عليه ما بين ليفربول الننكليزي وأتليتيكو مدريد الإسباني.
وفحوار له مع موقع "dazn" أكد المدير التنفيذي لنادي فيورنتينا الإيطالي جو بارون أن الفريق متمسك باللاعب سفيان أمرابط وقال: "العقد ديال سفيان أمرابط ونيكو كونزاليز ماشي للبيع، وسبق لرئيس النادي كوميسيو وقال هادشي وكنعاود نأكد أن الفريق ما باغيش يتنازل على اللاعبين".
وكيجي هاد الرد من المدير التنفيذي لفيورنتينا على أن سفيان أمرابط غيبقى بنسبة كبيرة مع الفريق الإيطالي حتى للصيف المقبل على الأقل، وما غاديش ينتقل لفريق آخر فالميركاتو الحالي.