لاعب مهم فالوداد غيرجع وحاضر مع الحمرا فمونديال الأندية

من المنتظر يكون حاضر الدولي الجزائري الحسين بنعيادة مع الوداد الرياضي خلال كاس العالم للأندية شهر فبراير المقبل، وهادشي من بعد أسابيع ديال الغياب بسبب الإصابة.
وكشف مصدر مطلع أن الحسين بنعيادة برا من الإصابة اللي كان كيعاني منها منذ أسابيع، حيث كان توعت مع المنتخب الجزائري فماتشات اميكال، وأكد أن الطاقم الطبي ديال الحمرا دار مجهود كبير باش يرجع بنعيادة فأقرب وقت ممكن للفريق وان تأخر العودة ديالو كانت ضمانا لسلامة اللاعب، ودابا دخل فمرحلة التأهيل باش يكون واجد فالأيام المقبلة.
وكيتعتبر الحسين بنعيادة من أحسن صفقات الوداد الرياضي فالميركاتو الصيفي، وكان رئيس النادي سعيد الناصيري وراء مجيء اللاعب إلى الفريق خصوصا وأنه كانت عندو عروض أخرى للبقاء فتونس أو الاحتراف بالخليج ولكن الناصيري قدر يحسم الصفقة واللاعب قدم عروض قوية من اول ماتش لبس فيه توني الحمرا.