تناقض كبير هادا. منع اسم المغرب يخرج فالتلفزيون ومنع بلادو تفرح بينا وقاليك صفقت. الرئيس الجزائري: صفقت للمنتخب المغربي اللي شرف الكرة المغاربة والعربية

قال الرئيس الجزائري عبد المجيد تبون، بلي صفق للمنتخب المغربي "لتشريفه الكرة المغاربية والعربية في المونديال، لأن الشعب المغربي أيضا صفق لنا لإحرازنا التاج الإفريقي" وفق حوار له مع جريدة لوفيغارو.
ولأول مرة كيعلن فيه رئيس الجارة الشرقية عن تصفيقه للمنتخب المغرب لي وصل نصف نهائي كأس العالم، واخا هو مدار لا تهنئة ولا حتى حاجا عكس باقي الدول العربية.
دابا هادا تناقض كبير. رئيس دولة عطى اوامرو لتلفزيون بلادو ما يتذكرش اسم المغرب طيلة المونديال ودابا كيقول ليك صفقت. كيفاش صفقتي وكيفاش شجعتي وكيفاش دعمتي منتخب؟ واش هاد الشي ديال التصفيق درتيه فخاطرك؟
علاش منعتي شعبك يخرج يفرح. هاد المنع ما تسوقوش ليه الجزائريين وخرجو للشارع وهزو الراية المغربية وسط بلادك
غريب هاد تبون.