لعجب هادا. حمد الله كيعرف الشبكة غير فالسعودية. ماركا لفرقتو

مرة أخرى وللماتش الثاني على التوالي كيتمكن الدولي المغربي عبد الرزاق حمد الله من التسجيل لفريقو اتحاد جدة السعودي من بعدما رجع من المشاركة مع المنتخب الوطني المغربي، وهي المشاركة اللي ما سجل فيها حتى هدف بالرغم من الأمل الكبيرة اللي كانت معقودة عليه.
ونجح عبد الرزاق حمد الله، اليوم فتسجيل 2 أهداف من 3 لبيوتا اللي ربح بهم اتحاد جدة الماتش ضد التعاون فالدور السعودي لكرة القدم، وسجل الهدف الثاني لفرقتو فالدقيقة 73، والهدف الثالث فالدقيقة 99 من ضربة جزاء.
وكان حمد الله سجل فالماتش السابق ديال اتحاد جدة أمام الشباب فكأس "خادم الحرمين"، من بعدما رجع مباشرة من كأس العالم اللي شارك فيها مع المنتخب الوطني المغربي وقدم فيها أداء متواضع لدرجة أن المدافعين عليه قبل المونديال واللي كانوا كيطالبو الناخب الوطني وليد الركراكي بالاستدعاء ديالو للمنتخب هم اللي انقلبو عليه وصبحو كيطلبو منو ما يبقاش يدخلو يلعب.