مدرب كرواتيا: حنا والمغاربة كنفكرو بجدية فماتش الترتيب باش نساليو المونديال بأحسن إنجاز وميدالية

أكد زلاتكو داليتش مدرب منتخب كرواتيا أنهم غادي يلعبو ضد المنتخب الوطني المغربي فماتش تحديد المركز الثالث والرابع فكأس العالم قطر 2022، من أجل تحقيق الفوز الميدالية النحاسية، واعترف بقوة المنتخب المغربي وأنه غادي يدخل حتى هو باش يحقق نفس الانحاز.
وقال المدرب الكرواتي زلاتكو داليتش فالندوة الصحافية اللي كتسبق ماتش المنتخب الوطني المغربي وكرواتيا: "بالنسبة لنا التنافس على الميدالية النحاسية فكأس العالم قطر 2022 مثابة نهائي".
وبخصوص الخصم اللي هو المنتخب المغربي قال مدرب كرواتيا: "كنحترمو بزاف المنتخب المغربي وحنا وكلشي اللي تبع المونديال تفاجأ بمستوى المغاربة، وحتى هم غادي يكونو كيفكرو فحالنا وعندهم نفس الأسرار ومهم عندهم الماتش ديال تحديث المركز الثالث والرابع والمغاربو عندهم تشكيلة واعرة، وحنا كنفكرو فهاد الماتش بجدية كيفما لعبنا نصف النهائي وباغيين نساليو البطولة بأحسن إنجاز ممكن ونربحو".