الركراكي: ماتش الترتيب ما بين المغرب وكرواتيا مختلف على اول ماتش ما بين المنتخبين وها علاش

اعتبر الناخب الوطني وليد الركراكي أن الماتش ديال ترتيب الخاص بالمركزين 3 و 4 فكاس العالم قطر 2022، ما بين المنتخب الوطني المغربي ومنتخب كرواتيا غدا السبت، غادي يكون مختلف على أول ماتش ما بين المنتخب فالبطولة واللي كان فالمجموعات.
وتحدث وليد الركراكي فالندوة الصحافية اللي كتسبق الماتش ما بين المغرب وكرواتيا وقال: "الماتش ما المنتخب المغربي والكرواتي غادي يكون مختلف على الماتش الاول، حيث فالماتش الأول كان حذر من الجانبين وكل واحد كانت عندو الحسابات ديالو".
وكمل وليد الركراكي وقال: "الماتش ديال تحديد المركز الثالث والرابع غادي يكون في اللعب مفتوح ما بين المنتخبين اللي غاديين يكونو متحررين وحتى المساحات غاديين يكونو فيه".