وليد الركراكي: ما خايفينش من التحكيم فماتش إسبانيا

عبر الناخب الوطني وليد الركراكي على عدم التخوف ديالو من التحكيم فالماتش ديال ثمن نهائي كأس العالم قطر 2022، غدا الثلاثاء ضد إسبانيا ومن تكرار سيناريو مونديال 2018.
وقال وليد الركراكي فالندوة الصحافية اللي كتسبق الماتش ديال المغرب وإسبانيا: "حنا ما كيهمناش شنو وقع فمونديال 2018 ولا قبل منو، المهم عندنا هو الماتش ديال غدا ومركزين عليه".
وزاد وليد الركراكي وقال على الحكم الأرجنتيني اللي غادي يلعب غدا ما بين المغرب وإسبانيا وهو نفسو اللي حكم ليكيب ناسيونال ضد كرواتيا فالماتش الأول وقال: "راه كيوقعو الأخطأ التحكيمية مرة مرة، هاد الحكم لعب لنا مع كرواتيا وكان مزيان، والحكام اللي كاينين فالمونديال راه هم اللي مزيانين فالعالم".