وليد الركراكي: غادي نلعبو الماتش ضد كندا باش نربحو

أكد الناخب الوطني وليد الركراكي بلي المنتخب المغربي غادي يدخل الماتش ضد كندا غدا الخميس، فالجولة الثالثة من كأس العالم قطر 2022، باش يربح ماشي يقلب على التعادل.
وأكد وليد الركراكي فالندوة الصحافية اللي كتسبق الماتش ديال المغرب وكندا بلي المنتخب الوطني المغربي غادي يلعب باش يربح باش ميدخلش فالحسابات وأن المصير ديالو بين يديه وباش يتأهل خاصو يربح وداكشي اللي غادي يدير.
وليد الركراكي قال بلي المنتخب الكندي كان باغي يدخل التاريخ ضد بلجيكا ومن وراها ضد كرواتيا، وما كيهمش المنتخب المغربي شنو باغيين الكنديين من الماتش ديال غدا وأكد: "اللي كيهمنا حنا شنو باغيين حنا من الماتش ماشي الكنديين شنو باغيين".